Aleksandër Arsenijoviq, është tërhequr nga gara për zgjedhjet për kryetar të katër komunave në Veriun e Kosovës për zgjedhjet e 18 dhjetorit, raporton Gazeta Blic.Gazeta Blic ka mësuar nga burime në veri të Kosovës se ku kandidat i Iniciativës Qytetare Serbe (Iniciativa për ekzistencë) tashëm zyrtarisht ka njoftuar Komisionin Qendror të Zgjedhjeve se është tërhequr nga gara për zgjedhjet në katër komunat në Veri, Zveçan Zubin Potok, Leposaviq dhe Mitrovicë e veriut.
“Në njoftimin e tij thuhet se ai këtë e ka bërë me vullnet të lirë”, thotë një burim i Gazetës.
Por burime të sigurta të Gazeta Blic kanë thënë se tërheqja e tij në momentet e fundit ka ardhur për shkak të presonit ndaj tij nga organizatat kriminale që veprojnë në Veriu ne Kosovës e që kontrollohen e dirigjohen direkt nga Serbia.
“As që bëhet fjalë për vullnet të lirë, por për shkak të presionit”, ka thënë ky burim i Gazetës.
Zgjedhjet në veri do të mbahen me 18 dhjetor për katër komunat në atë pjesë në Kosovës, përderisa ato për këshilltarët komunale me 25 dhjetor.
E gjithë kjo situate ka ardhur pasi që katër kryetarë e komunave serbe kanë janë kanë dhënë dorëheqje nga pozitat e tyre “të hidhëruar” me një vendim ët Qeverisë së Kosovës për tabelat ilegale, vendim ky që aktualisht ka “rënë në ujë’ si pasojë e një marrëveshje në Bruksel ndërmjet Kosovës dhe Serbisë për targat ilegale serbe.18 dhjetor është data kur zgjedhjet në katër komunat veriore duhet të mbahen, datë kjo që është caktuar nga presidentja e Kosovës Vjosa
Osmani pas konsultimeve me subjektet politike në vend.Se a do të mbahen këto zgjedhje me 18 dhjetor mbetet të shihet, por gjithçka që dihet deri tani është se KQZ ka kërkuar nga tri institucionet përgjegjëse të Kosovës siguri për mbajtën e tyre, duke nisur nga Ministria e Punëve të Brendshme, policia e Kosovës dhe Ministria e Arsimit.