El Salvador ka blerë 80 Bitcoin-a të tjerë me një çmim prej 19 mijë dollarë secilën, pavarësisht rënies së saj, transmeton Kosova Post.
Presidenti i El Salvadorit, Nayib Bukele, në llogarinë e tij në twitter njoftoi se ata sot blenë 80 Bitcoin-a të tjerë, me çmim prej 19 mijë dollarë secilën.
Bukele publikoi një foto të asaj që duket se është një listë blerjesh për 1 Bitcoin me çmim 19 mijë dollarë secila dhe tha se, “Bitcoin do të vijë! Faleminderit që e shitët lirë”.
Thesari i vendit mban 2.381 Bitcoin me një vlerë totale tregu prej 46.7 milionë dollarë. Vlen të përmendet se humbja e vendit nga investimet në Bitcoin është më shumë se 50 për qind.
Në shtator të vitit 2021, kriptomonedha Bitcoin u prezantua si një monedhë legale në El Salvador.
Derisa shtetasit e El Salvadorit që jetojnë jashtë dërgojnë 6 miliardë dollarë në vit në vendin e tyre, qeveria e El Salvadorit synoi të lehtësonte transferimin e parave falë kriptovalutës Bitcoin dhe që më shumë se një milion familje me të ardhura të ulëta të përfitojnë nga ndryshimi.
Bitcoin, kriptovaluta më e madhe, po vihet nën presionin e shqetësimeve makroekonomike dhe krizës së likuiditetit që shihet në kompanitë e profilit të lartë të kriptove. Çmimi i Bitcoin ra nën 19 mijë dollarë dje, edhe pse përkohësisht. Sot, çmimi i Bitcoin është në nivelin e 19 mijë dollarëve.
Bitcoin ka rënë rreth 58 për qind këtë vit. Bitcoin, i cili në nivelin më të lartë të të gjitha kohërave në nëntor të vitit 2021 ishte në 68.990 dollarë, ka humbur 72 për qind të vlerës së tij që nga ajo kohë./aa