Presidenti turk tha se kanalet digjitale gjithnjë e më shumë po përdoren si element aksionesh psikologjike në tensionet ndërshtetërore.
Türkiye është një prej shteteve më të ekspozuara ndaj lajmeve të rreme, ndërsa dezinformatat përhapen si kërcënim serioz në procesin e digjitalizimit, tha të premten presidenti turk Recep Tayyip Erdoğan.
“Për shkak të lokacionit strategjik, politikës origjinale që e bën dhe qëndrimin parimor në çështjet rajonale dhe globale, Türkiye është një prej shteteve më të prekura nga lajmet e rreme në gjithë botën”, tha Erdoğan në video mesazhin e tij në Samitin Stratcom 2022.
Të premten në metropolin turk Istanbul filloi samiti dyditor ku pjesëmarrësit do të merren me temat globale në fushën e komunikimeve strategjike. Samiti mban titullin “Komunikimi strategjik në kohën e paqartësive”, ndërsa marrin pjesë 52 folës nga 24 shtete.
Erdoğan theksoi se si rezultat i digjitalizimit po ndodhin transformime të mëdha të mjeteve të komunikimit dhe burimeve të lajmeve.
Ai shtoi se kanalet digjitale gjithnjë e më shumë po përdoren si element aksionesh psikologjike në tensionet ndërshtetërore.
“Hipokrizia lidhur me luftën tone kundër organizatave terroriste, sidomos DAESh-it, FETO-s dhe PKK-së, shumë herë e ka treguar këtë realitet. Gjuha e disa shtëpive ndërkombëtare mediatike që e kemi parë pas sulmit terrorist në rrugën Istiklal, pothuajse ka shkuar në duar të autorëve”, tha presidenti turk.
Siç tha Erdoğan, nevojitet një kuptim i ri i komunikimit, i përqendruar te e vërteta.
Më 13 nëntor, organizata terroriste YPG/PKK kreu sulm terrorist në rrugën e frekuentuar Istiklal në Istanbul, duke vrarë 6 persona dhe duke plagosur 81 të tjerë.
