Përfaqësuesi i Departamentit Amerikan të Shtetit, Gabriel Escobar, në një konferencë para gazetarëve në Ohër, për marrëveshjen e arritur mes Kosovës dhe Serbisë për normalizim të marrëdhënieve, tha se i përgëzon të dyja palët dhe se kjo marrëveshje i çon të dy vendet drejt integrimeve evropiane.
“Me ndihmën e miqve dhe aleatëve tanë, arritëm te kjo marrëveshje. Maqedonia e Veriut është partner i besueshëm me tentim për t’u anëtarësuar në BE.
E dyta dua, dua ti përgëzoj palët për arritjen e marrëveshjes për normalizimin e raporteve mes dy shteteve.
Kjo marrëveshje çon drejt integrimeve evropiane për të dyja palët. E vlerësoj edhe punën e madhe të kolegëve tanë në Evropë”, tha Escobar.