Gjiganti i mediave sociale Facebook ka kërkuar falje, duke shpjeguar se bllokimi i përdoruesve kanadezë në postimet e tyre që mbështesin Palestinën ishte “një defekt nga një mosfunksionim teknik”, transmeton Kosova Post.
Facebook në Kanada njoftoi se problemi u shkaktua nga një “defekt teknik” pasi disa përdorues u ankuan se postimet e tyre në lidhje me dhunën në Palestinë ishin zhdukur ose pikëpamjet e tyre ishin fshirë në javët e fundit.
Kompania kërkoi falje për çështjen që prek përdoruesit nga shkëmbimi i informacionit.
Në deklaratë u tha, “Ky gabim që ndikoi në të gjithë botën nuk duhet të kishte ndodhur kurrë. Ne kërkojmë falje për këdo që mendon se nuk arriti të tërheqë vëmendjen ndaj ngjarjeve të rëndësishme ose që zërat e tyre ishin shtypur qëllimisht për këtë. Ky nuk ishte kurrë qëllimi ynë. As nuk duam të heshtim një komunitet ose pikëpamje të veçantë. Politikat tona, janë krijuar për t’i dhënë zë të gjithëve dhe për t’i mbajtur ata të sigurt në praktikat tona, dhe ne i zbatojmë këto politika në mënyrë të barabartë për këdo që të jetë.” u tha në dekleratën e Facebook.
Sidoqoftë, nuk kishte asnjë informacion nëse transmetimet pro-Izraelit ose përmbajtje tjetër e Lindjes së Mesme ishin prekur nga çështja.
Duke folur për CBC, mbështetësit palestinezë pretenduan se postimet e tyre në llogaritë e tyre në mediat sociale ishin zhdukur dhe se Facebook kishte bllokuar përmbajtjen në lidhje me dhunën e fundit.
Në fund të muajit të kaluar, një total prej 254 personash, 67 fëmijë dhe 39 gra, u vranë dhe mijëra të tjerë u plagosën në sulmet e kryera nga ushtarët izraelitë në Rrethin Sheikh Jerrah, Masjid al-Aqsa dhe më vonë në Gaza dhe Jeruzalem.
Përkundër të gjitha pengesave, përdoruesit e mediave sociale, derisa mbështesnin ngjarjet në Palestinë me postimet e tyre, gjithashtu kontribuan shumë në formimin e opinionit publik në botë.
Ata që kanë ndjekës të turmës në faqet e mediave sociale si Facebook kanë njoftuar se ka kufizime në postimet e tyre pro-Palestineze./KosovaPost/.
