Në kuadër të marrëveshjes për shpërndarjen në Bashkimin Evropian të fëmijëve refugjatë të pashoqëruar që ndodhen në Greqi, 47 fëmijë që kanë nevojë për mbrojtje dhe që ndodheshin në kampet e refugjatëve në ishujt e Greqisë, u dërguan në Gjermani.
Në kuadër të marrëveshjes për shpërndarjen në Bashkimin Evropian të fëmijëve refugjatë të pashoqëruar që ndodhen në Greqi, 47 fëmijë që kanë nevojë për mbrojtje dhe që ndodheshin në kampet e refugjatëve në ishujt e Greqisë, u dërguan në Gjermani.
Në deklaratën me shkrim të bërë nga Ministria e Punëve të Brendshme e Gjermanisë, bëhet e ditur se 47 fëmijë të pashoqëruar u dërguan me avion nga Athina në qytetin Hanover të Sanksonisë së ulët.
Gjithashtu bëhet e ditur se pasi të mbahen në karantinë për dy javë këta fëmijë do të shpërndahen në lendet e tjera dhe njoftohet se ndër fëmijët me origjinë afgane, siriane dhe eritriane, ka edhe 4 vajza.
Deklarohet se fëmijët, pasi të ishin dërguar në Gjermani ishin testuar për Covid-19.
Ministri i Punëve të Brendshme, Horst Seehofer bëri të ditur se pavarësisht barrës së rëndë, që epidemia e koronavirusit i ka sjellë vendit, janë të kënaqur që fëmijët refugjatë të pashoqëruar janë sjellë në Gjermani.
“Ky është një rezultat e bisedimeve dhe përgatitjeve intensive të bëra prej muajsh me partnerët evropianë. Gjermania mban premtimet e dhëna. Ne japim sinjalin aktual të solidaritetit në Evropë. Supozoj se edhe partnerët e tjerë tanë të Evropës do të vënë në jetë këtë zbatim sa më shpejt të jetë e mundur”, tha Seehofer.
Sipas lajmeve që zënë vend në median e vendit, fëmijët shumica nën 14 vjeç, do ta kalojnë periudhën e karantinës në Osnabruck dhe aty do të marrin edhe mbështetje mjekësore dhe psikologjike.