FETO taktizon me emra të personaliteteve të shquara për të fituar besim

FETO taktizon me emra të personaliteteve të shquara për të fituar besim

Organizata terroriste FETO zbaton taktikë për të “fituar besimin e popullatës lokale”, duke i emërtuar me emra të personaliteteve të shquara të botës turke dhe islame universitetet dhe shkollat e saj jashtë vendit.

Sipas informacioneve që Anadolu Agency (AA) ka siguruar nga zyrtarët e Fondacionit Maarif të Turqisë, e vetmja organizatë që ka autoritetin për të hapur institucione arsimore jashtë vendit në emër të Turqisë krahas Ministrisë së Arsimit, FETO emrat e shquar të historisë turke si Orhangazi, Selahaddin Eyyubi, Melikşah, Mevlana, Turgut Özal, Kanuni, Murat Hüdavendigar, Süleyman Şah, i ka përdorur në universitetet e saj në Turqi të hapura gjoja për arsimim.

Siç del në pah, FETO të njëjtën taktikë e ka përdorur edhe në shkollat të cilat i ka hapur jashtë Turqisë. Për shkollat dhe universitetet e saj jashtë Turqisë, FETO ka zgjedhur emrat e personaliteteve simbolikë, me ç’rast ka abuzuar ndjenjat e popullatës së rajonit.

Organizata terroriste FETO ka zbatuar taktikën për të “fituar besimin e popullatës lokale” duke i emërtuar shkollat e saj jashtë Turqisë me emrat e personaliteteve të rëndësishme të botës turke, siç janë Turgut Özal, Süleyman Demirel dhe poetët e njohur Yahya Kemal dhe Mehmet Akif.

Kolegjet Turgut Özal në Tiranë dhe Durrës, të cilat FETO i ka hapur në vitin 1993 në Shqipëri, ofrojnë arsim nga cikli parashkollor e deri në atë të mesëm. Kolegjet, të cilat mbajnë emrin e presidentit të tetë të Turqisë, Turgut Özal, kanë tre mijë nxënës.

Ndërkaq, në Kolegjin Mehmet Akif, të cilin FETO e ka hapur në Kosovë në vitin 2006, mësojnë tre mijë nxënës.

Organizata ka edhe një universitet me mbi dy mijë studentë në Kazakistan me emrin e presidentit të nëntë të Turqisë, Süleyman Demirel.

Kolegji Yahya Kemal në Maqedoni dhe Shkolla e Mesme e Meshkujve Fatih me 650 nxënës në Indonezi me emrin e Fatih Sulltan Mehmetit, gjenden gjithashtu në mesin e shkollave të hapura me të njëjtin qëllim.

“Duan të fitojnë prestigj”

“FETO ishte munduar të fitojë prestigj edhe në Turqi duke emëruar disa universitete me emrat e personave të njohur të botës turko-islame. FETO tashmë të njëjtën taktikë është duke vazhduar ta zbatojë jashtë vendit. Duke i përdorur këta emra për të mbuluar qëllimet e vërteta të tyre si kamuflim, FETO abuzon ndjenjat e popullatës”, vlerësuan zyrtarët e Fondacionit Maarif të Turqisë në lidhje me çështjen.

You may also like

Haradinajt jep këtë arsyetim për 20 mijë dollarët e shpenzuar në Amerikë

Kryeministri i Kosovës, Ramush Haradinaj gjatë ditës së