Chelsea ka shënuar fitore të rëndësishme ndaj Fulhamit me rezultat 2-0 në kuadër të javës së 34-të në Ligën Premier.
Pas vetëm dhjetë minutash lojë në Stamford Bridge, The Blues kaluan në epërsi me anë të Kai Havertz që pranoi një asistim brilant nga Maosn Mount.
Presioni i bluve ndaj skuadrës mysafire u rrit edhe më shumë, por kjo kishte efekt vetëm në pjesë të dytë.
https://twitter.com/LDNFootbalI/status/1388534444441706501?ref_src=twsrc%5Etfw%7Ctwcamp%5Etweetembed%7Ctwterm%5E1388534444441706501%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Ffitore-e-rendesishme-e-chelseat-ne-shtepi-ndaj-fulhamit%2F
Qysh në startin e 45 minutave të dytë, Havertz ishte sërish në listën e golashënuesve, duke realizuar në minutën e 49-të, tani me asistim të Timo Werner.
Skuadra që drejtohet nga Thomas Tuchel në vazhdim kishte raste tjera të mëdha, mirëpo nuk ia dolën t’i konkretizonin edhe pse kjo fitore u ndihmon shumë në garë për top katër.
Pas javës së 34-të, Chelsea gjendet në pozitën e katërt me 61 pikë, derisa në xhiron e 35-të, do të takohet me Manchester Cityn.