Deputetja e Lidhjes Demokratike të Kosovës (LDK), Besa Gaxherri, ka kundërshtuar haptas ndonjë koalicion parazgjedhor partitë politike në vend, duke përfshirë këtu edhe partinë e Behgjet Pacollit.
Gaxherri ka thënë se pikërisht AKR-ja, e cila po raportohet për diskutim për një koalicion me Lidhjen Demokratike të Kosovës, ka lënë anash LDK-në në legjislatura të mëparshme.
Gaxherri ka shtuar se LDK-ja duhet të shkojë në zgjedhje e vetme, por që në këtë drejtim, ajo ka thënë se vendos këshilli i partisë.
“Nuk është zyrtare për ndonjë koalicion me ndonjë parti. Për mendimin tim është që LDK-ja të shkojë e vetme në zgjedhje dhe këto mendim do ta parashtrojnë LDK, por që prapë këtë e vendos këshilli. Nuk është dashur një koalicion me AKR-në. Kemi përvojë sidomos me AKR-në dhe nuk jam e kënaqur, sepse në atë moment kur janë përfunduar zgjedhjet dhe kemi vendosur me kalua në opozitë, AKR-ja ka kalua nga LDK dhe ka shkuar në koalicionin qeverisës dhe neve kanë munguar deputetët. Prandaj, LDK duhet të ketë një listë me deputetë që kanë të drejtë me e shprehë mendimin, kundërshtimin, por që vendimin e shumicës duhet të respektohen”, është shprehur Gaxherri për gazetën Blic. Ndryshe, Aleanca Kosova e Re që drejtohet nga Behgjet Pacolli, ka arritur ujdi që në zgjedhjet që shpejt pritet të shpallen të garojnë bashkë me Lidhjen Demokratike të Kosovës. Këtë e kanë konfirmuar burime të Gazeta Blic në kushtet anonimiteti, e që sipas këtyre burime është çështje ditësh kur ky koalicion parazgjedhor pritet të formalizohet.
