Aiman Mazyek, kreu i Këshillit Qendror të Myslimanëve në Gjermani, tha se ky është një vit super zgjedhor në Gjermani dhe u kërkoi myslimanëve të dalin në votime, transmeton Kosova Post.
Mazyek tha në një deklaratë me shkrim se do të ketë zgjedhje shtetërore dhe zgjedhje të përgjithshme në Gjermani këtë vit, duke vënë në dukje se rreth 2 milionë votues myslimanë duhet të shkojnë në votime.
Ai bëri të ditur se kanë filluar një fushatë për këtë qëllim, të quajtur “Vota ime është e rëndësishme”.
“Ne jemi pjesë e Gjermanisë dhe duam të tregojmë se jemi në anën e demokracisë dhe lirive themelore me këtë fushatë. Çdo votë që nuk hidhet u jepet ekstremistëve të djathtë dhe populistëve që po përpiqen të ndajnë Gjermaninë në mënyrë të rrezikshme”, shkruan Mazyek në deklaratën e tij.
Zgjedhjet e Parlamentit Federal të Gjermanisë janë caktuar për 26 shtator. Përveç kësaj, zgjedhjet parlamentare do të mbahen në 6 lande të ndryshme të vendit më vonë këtë vit.trt.