Në Luftën e Parë Botërore, u angazhuan më shumë se 65 milionë burra nga 30 vende të botës. 10 milionë prej tyre vdiqën. Aleatët humbën 6 milionë, Fuqitë Qendrore 4 milionë ushtarë. Në mesin e civilëve, pati 15 milionë të vdekur, dhe 20 milionë të tjerë të plagosur.
Britanikët prodhuan dhe përdorën tankun e parë në botë. I njohur si “Little Willie”. Ai mbante 3 ushtarë, dhe udhëtonte me 4.8 km/h.
Piloti më i suksesshëm ishte gjermani Manfred von Rihthofen ose “Baroni i Kuq”. Ai rrëzoi 80 avionë armiq. Kur u vra, britanikët e varrosën me të gjitha nderimet, edhe pse ishte armiku i tyre.
Lufta plagosi dhe gjymtoi milionë ushtarë. Në ato vite, u zhvillua shumë kirurgjia plastike. Falë së cilës shumë burra rifituan një pamje të jashtme të pranueshme.
Lufta shkaktoi shembjen e 4 perandorive të mëdha: Otomane, Austro-Hungareze, Gjermane dhe Ruse.
Rusia mobilizoi më shumë trupa në front se çdo vend tjetër, 12 milionë. Më shumë se treçereku i tyre u vra, u plagos, ose u zhduk në beteja.
Një pjesë e mirë e të vrarëve, u shkaktua nga mitralozi amerikan “Hiram Maxim”. Ai mund të qëllonte 450-600 herë në minutë.
Lulekuqet janë simboli kryesor në ceremonitë përkujtimore mbi ushtarët e vrarë. Kjo pasi kjo lule ishte ndër të paktat që mbinte në fushëbetejat e shndërruara në moçale.
Më shumë se 500.000 pëllumba, u përdorën për të çuar dhe marrë lajme, midis shtabit qëndror dhe vijës së parë të frontit.
Infermierja britanike Edit Kavel, u shpëtoi jetën ushtarëve në të dyja anët e frontit. Por kur ndihmoi 200 ushtarë aleatë të arratiseshin nga Belgjika, gjermanët e kapën dhe e pushkatuan. Vdekja e saj, ktheu kundër Gjermanisë gjithë opinionin publik botëror.
Amerikani më i dekoruar ishte Alvin Jork, shkruan tiranatoday. Ai drejtoi një sulm mbi një depo armësh, duke sekuestruar 32 mitralozë, vrarë 28 gjermanë, dhe kapur robër 132 të tjerë.
