Lideri i Aleancës për Ardhmërinë e Kosovës, Ramush Haradinaj ka bërë një thirrje publike për subjektet e tjera politike në vend, shkruan Kosova Post.
Haradinaj tha se që të gjitha partitë politike duhet bashkuar, ashtu siç kanë ditur të bashkohen shqiptarët në ditë të vështira.
“Të bëhemi një për Kosovën. E di qe e kemi ëndërr të gjithë ne që Kosova jo vetëm të forcojë ushtrinë dhe sigurinë, pro të realizohet në NATO. E kemi poashtu ëndërr ti bashkohemi familjes evropiane, do të punojmë në këtë drejtim”, tha ai.
Haradinaj ndër të tjera thekon se në disa raste dhe vetë ai ka qenë i zhgënjyer me politikën në Kosovë dhe në raste të caktuara politikanët janë marrë me njëri-tjetrin, e jo me problemet e Kosovës.
Zgjidhja është të jemi të qëndrueshëm, të mos dorëzohemi. Të bashkohemi më 14 shkurt, ashtu siç dinë shqiptarët.
Postimi i plotë:
Kjo është thirrja ime për të gjitha partitë politike: Të bashkohemi ashtu siç kanë ditur të bashkohen shqiptarët në ditë të vështira.
Të bëhemi NJË për Kosovën!
RH