Kandidati i AAK-së për President dhe kryetari i kësaj partie, Ramush Haradinaj, në një tubim në Suharekë, ka folur për të ardhmen e Kosovës në raport me bashkësinë ndërkombëtare dhe bisedimet me Serbinë.
Haradinaj, që është i vetmi në fushatë që po flet hapur për temën e pashmangshme, atë të dialogut, ka treguar se për Kosovën nuk ka kthim prapa.
“Ne s’kemi çka me humb më shumë se sa që kemi humbë në luftën e fundit, ne tani kemi me fitu. Pra nuk do të dorëzohemi, nuk do të bëjmë lëshime, nuk do të bëjmë kompromise. Do ta ruajmë Kosovën e 17 shkurtit me territor, me kufi, me atë që është”, ka thënë Haradinaj.
