Deputeti nga radhët e Lidhjes Demokratike të Kosovës (LDK), Haxhi Avdyli ka reaguar ndaj Isa Mustafës, pas deklarimeve të këtij të fundit se Avdyli dhe Vjosa Osmani iu gëzuan fitores së Lëvizjes Vetëvendosje në zgjedhjet për kryetar të Podujevës, transmeton Kosova Post.
Ai në një postim në Facebook e ka quajtur kreun e LDK-së ‘komunistin e fundit nga ish-Jugosllavia’.
“Komunisti i fundit nga ish-Jugosllavia deri BRSS , i shkolluar në Kumrovc, ministri i fundit i Krahinës Socialiste të Kosovës po e akuzon për komunizëm një profesoreshë të shkolluar ne SHBA, në vendin simbol të demokracisë. Ja deri ku arriti mediokriteti i tij”, shkruan Avdyli.
