Ministrja e Drejtësisë Albulena Haxhiu, ka uruar Ditën e Kushtetutës, shkruan Kosova Post.
Përmes një shkrimi në Facebook, Haxhiu shkruan se Kushtetuta është pikënisja e shtetit dhe shoqërisë.
“Duke qenë të përkushtuar që të ruhet sovraniteti e integriteti i vendit, respektohen të drejtat dhe liritë e njeriut, të drejtat e komuniteteve e shoqërisë ne jemi angazhuar njëkohësisht në avansimin e Kushtetutës sonë dhe tejkalimin edhe të atyre kufizimeve në realizimin e të gjitha të drejtave të një vendi e shteti sovran” shkruan Haxhiu në.
Postimi i plotë:
Me 9 prill shënojmë ditën e Kushtetutës, aktit mbi të cilin betohemi e zotohemi që do ta mbrojmë dhe avansojmë. Kushtetuta është pikënisja e shtetit dhe shoqërisë.
Duke qenë të përkushtuar që të ruhet sovraniteti e integriteti i vendit, respektohen të drejtat dhe liritë e njeriut, të drejtat e komuniteteve e shoqërisë ne jemi angazhuar njëkohësisht në avansimin e Kushtetutës sonë dhe tejkalimin edhe të atyre kufizimeve në realizimin e të gjitha të drejtave të një vendi e shteti sovran.
Krahas zhvillimit të demokracisë gjithnjë shënohet edhe avansim i këtij akti më të lartë juridik. Demokracia dhe Kushtetuta janë të pandashme dhe ecin paralel njëra me tjetrën.
9 prilli për vendin tonë nuk është vetëm datë kur ne kthejmë sytë kah Kushtetuta, por data që nuk ndërron asnjë ditë. Ajo mbetet aty përherë, për çdo zyrtar e qytetar.