Kuvendi i Holandës të enjten miratoi një rezolutë jo-obligative, në të cilën thuhet se trajtimi i pakicës së ujgurëve myslimanë në Kinë paraqet gjenocid. Kuvendi i këtij shteti është i pari në Evropë që ndërmori një nismë të tillë.
Aktivistët dhe ekspertët e Kombeve të Bashkuara për të drejtat e njeriut thonë se së paku një milion myslimanë janë duke u mbajtur të izoluar në kampe në rajonin e skajshëm perëndimor, Xinjiang.
Disa politikanë perëndimorë dhe aktivistët e akuzojnë Kinën për ushtrimin e torturës, punës së detyrueshme dhe sterilizimit të njerëzve, shkruan Reuters,.
Sidoqoftë, Kina ka mohuar se abuzon me të drejtat e njeriut në Xinjiang dhe thotë se në ato kampe ofrohen trajnime profesionale dhe janë të nevojshme për ta luftuar ekstremizmin.
“Një gjenocid ndaj minoritetit ujgur është duke ndodhur në Kinë”, thuhet në rezolutën e Kuvendit të Holandës, por në dokument nuk përmendet përgjegjësia e qeverisë kineze për këtë gjendje. Kundër kësaj rezolute votoi partia VVD e kryeministrit Mark Rutte.
Këtë javë, rezolutë për cilësimin e trajtimit të ujgurëve në Kinë si gjenocid miratoi edhe Kuvendi i Kanadasë.g.e