Kandidati për kryeministër nga radhët e LDK-së, Avdullah Hoti ka vizituar sot Komunën e Dragashit.
Me anë të një postimi në Facebook, ai ka shkruar se Dragashi është komunë e punës dhe e bashkëjetesës.
Hoti falënderoi Dragashin dhe tha se është krenar që bujqësia ka qenë dhe do të mbetet prioritet i qeverisjes së tij, për të mirat nga toka jonë e çmuar.
“Faleminderit Dragash, ne jemi me ju! Krenar që bujqësia ka qenë dhe do të mbetet prioritet i qeverisjes sonë, për të mirat tona e nga toka jonë e çmuar”, ka shkruar Hoti.
Postimi i plotë:
Në Dragashin e punës dhe bashkëjetesës!
LDK-ja është shtëpia jonë e madhe, ndërsa fitorja e saj quhet Republika e Kosovës dhe ekzistenca e saj, ndaj ne jemi me shtëpinë tonë, përkatësisht me Kosovën. Ky ishte mesazhi që na kishin rezervuar strukturat, anëtarët dhe simpatizantët, me rastin e vizitës sonë në këtë degë.
Faleminderit Dragash, ne jemi me ju! Krenar që bujqësia ka qenë dhe do të mbetet prioritet i qeverisjes sonë, për të mirat tona e nga toka jonë e çmuar.
Zoti e bekoftë Dragashin!
Zoti e bekoftë LDK-në!
