Një tragjedi e vërtetë i ka ndodhur ditën e sotme një familjeje shqiptare që jetonte dhe punonte në Greqi.
Apartamenti i tyre në Selanik është përfshirë nga flakët dhe si pasojë ka ndërruar jetë një 16-vjeçar.
Mediat greke, raportojnë se kur shpërtheu zjarri, 16-vjeçari lëvizte me vështirësi për shkak të problemeve shëndetësore. Ai ishte në shtëpi me vëllain dhe motrën më të vogël, të moshës 13 dhe 6 vjeçe.
Prindërit nuk ishin në shtëpi në atë momente, pasi babai ishte në punë, ndërsa nëna dje u nis për në Shqipëri.
Për shkak të mungesës së nënës së fëmijëve, aty ndodhej tezja e tyre, e cila hyri në banesën që digjej dhe arriti të nxirrte jashtë fëmijët më të vegjël të familjes.
Në përpjekjen e saj, ajo dogji një pjesë të kokës së saj, shkruajnë mediat greke. /noa.al/
