Ish-zyrtari i lartë i LDK-së, Skënder Hyseni, ka kritikuar qasjen e opozitën ndaj pushtetit. Sipas Hysenit, opozita është duke bërë gabime të rënda me përkrahjen naive për seanca të mbyllura në Kuvend për dialogun.
Ish-ministri i Punëve të Jashtme, ka thënë se dje LDK ka bërë gabim të pafalshëm me votimin e Ligjit për Byronë për konfiskimin e pasurisë.
“A po rrezikon opozita parlamentare e Kosovës të bëhet bashkëfajtore për politikat antiamerikane e antiperëndimore të Kurtit dhe Osmanit???!!! Kjo është një pyetje thelbësore në të cilën duhet të përgjigjen, pa ekuivoke, Krasniqi, Abdixhiku dhe Haradinaj”, shkruan Hyseni në “Facebook”.
Postimi i plotë dhe pa ndërhyrje i Hysenit:
A po rrezikon opozita parlamentare e Kosovës të bëhet bashkëfajtore për politikat anti-amerikane e anti-perendimore të Kurtit dhe Osmanit???!!!
Kjo është një pyetje thelbësore në të cilën duhet të përgjigjen, pa ekuivoke, Krasniqi, Abdixhiku dhe Haradinaj!
Ftesa e pasinqertë e Kurtit, drejtuar opozitës për “bashkërendim” në punët e dialogut, s’është asgjë tjetër veqëse një mashtrim i ri, në përpjekjen e tij për të krijuar mbulesë dhe shpërnda përgjegjësinë për abortimin eventual në dialog. Kurtit nuk i duhet opozita për të marrë vendime sepse i ka numrat dhe mandatin e plotë. Atij i duhet opozita për të legjitimuar politikat e tij katastrofale. Albin Kurti e Vjosa Osmani nuk janë për konsensus. Nuk kanë qenë dhe nuk do të jenë kurrë!
Opozita po bënë gabime të rënda me përkrahjen naive për seanca të mbyllura në Kuvend për dialogun. Kurti mund të jet që edhe ka nevojë për t’u fshehur nga opinioni, por pse duhet opozita të bëhet pjesë e këtij teatri absurdi. Populli i Kosovës e ka të drejtën legjitime të informohet saktë dhe me kohë për dialogun. Terri infromativ dhe mostransparenca kanë një autor. Ai është Kurti. Opozita nuk guxon të marrë autorësi të kësaj çmendurie politike. Nëse opozita vazhdon të sillet kështu, ka mundësi të shtohet rreziku që Kosova të mbetet pa alternativë serioze politike.
Me votimin e ligjit për Byronë për Verifikimin dhe Konfiskimin e Pasurisë LDK bëri gabim të pafalshëm. Aq më parë që shihet sheshazi që Qeveria do instrumente shtesë për sundim arbitrar e jo për të luftuar krimin. Ky pushtet luftohet veç duke ia njohur të drejtën e numrave dhe mandatit që ka. E Kjo qeveri ka edhe numra edhe mandat të mjaftueshëm për vendime. Opozita, naivisht po bie pre e lojërave të Albin Kurtit.
Kurti dhe kompania e duan opozitën që t’u ndihmojë të ‘bëjnë zinxhirin nga zalli I detit’!!! Nuk i duheni ju opozita për asgjë tjetër Kurtit pos nëse edhe ju jeni nga ata që “bëjnë zinxhir nga zalli i detit”. Nëse jeni të tillë e bajshit me shëndet!
