Policia e Kosovës ka bërë të ditur në raportin 24 orësh se një person është arrestuar në Gjilan nën dyshimet se ka penguar policinë gjatë përpjekjes për t`ia vënë prangat, shkruan Kosovapost.
I njëjti është arrestuar në dyshimet se i kishte dëmtuar një pronë vëllait të tij.
Rasti ka ndodhur në fshatin Veleknicë(Gjilan) gjatë ditës së djeshme dhe me vendim të prokurorit i dyshuari është dërguar në mbajtje.
“Është arrestuar i dyshuari, pasi që kishte dëmtuar parcelën e vëllait të tij, kishte akuzuar dhe kanosur punëtorët e kompanisë së sigurimeve private, i njëjti kishte penguar edhe zyrtarët policor në kryerje të detyrës. Me vendim të prokurorit, i dyshuari është dërguar në mbajtje”, bën të ditur Policia e Kosovës në raportin 24 orësh.
