Skuadra e Interit mposhti Milanin në rezultat 3-0 në derbin e qytetit të Milanit që u zhvillua në kuadër të ligës italiane Seria A, transmeton Kosova Post.
Në ndeshjen e zhvilluar në stadiumin San Siro, ku Milani figuronte si nikoqir, sulmuesi i Interit Lautaro Martinez shënoi që në minutën e 5-të me një goditje me krye për të sjellë epërsi për ekipin e tij.
Sulmuesi argjentinas shënoi sërish në minutën e 57-të, duke rritur epërsinë në 2-0.
Mysafirët shënuan golin e tretë në minutën e 66-të, kur Romelu Lukaku shënoi nga një kundërsulm.
Me këtë fitore, skuadra e Interit përforcoi pozitën në vendin e parë me 53 pikë nga 23 ndeshje të zhvilluara, duke rritur diferencën në 4 pikë me Milanin, i cili ndodhet në vendin e dytë me 49 pikë.(AA)
