Mbërrijnë në Hagë, ish presidentët, për të vizituar ish krerët e UÇK-së që janë të akuzuar për krime lufte, përcjell KosovaPost.
Me organizimin e ish presidentit të Kosovës, Behgjet Pacolli, tashmë në Hagë për këtë vizitë ndodhen edhe ish presidentët e Shqipërisë, Rexhep Meidani, Alfred Moisiu dhe Bamir Topi.
Mes tyre është edhe ish kryeministri i Shqipërisë, Pandeli Majko.
Njoftimin për mbërritjen në Hagë me aeroplanin privat të ish presidentit Pacolli, e ka bërë të ditur këshilltari i tij, Jetlir Zyberaj.
“Historia nuk mund të rishkruhet. UÇK është krenaria jonë kombëtare”, ka shkruar Zyberaj në llogarinë e tij në Facebook.
Aktualisht në Hagë, si të akuzuar po mbahen në paraburgim, ish krerët më të lartë të UÇK-së dhe shtetit të Kosovës, si Hashim Thaçi, Kadri Veseli, Jakup Krasniqi e Rexhep Selimi.