Ish-profesori i universitar, përkatësisht eksperti i energjetikës, Agron Dida, ka reagur ndaj kryetarit të LDK-së, Lumir Abdixhikut, pasi ky i fundit, përmes një postimi në rrjetin social, akuzoi Qeverinë e Republikë së Kosovës, që sipas tij, duke i ngritur tarifat e engjergjisë, ajo i ka grabitur qytetarët, transmeton Kosova Post.
Teksa e ka demantur, kryetarin e LDK-së, profesori Dida, nëdrë të tjera e ka cilësuar atë sharlatan që po manipulon publikun.
Ky është reagimi i plotë i profesor Didas:
‘Ky Kryetar i LDK-së po flet pa u bazuar në fakte dhe po e dezinformon opinionin publik në Kosovë, ndërsa e vërteta qëndron krejtësisht ndryshe!
1. Evropa dhe mbarë bota është duke u ballafaquar me pasojat e rënda në ekonomitë globale si pasojë e luftës së autokratit/tiranit Putin kundër Ukrainës, e ky Lumir shkreta flet kopalla.
2. Sipas parashikimeve të Bankës Botërore, shih artikullin në “The Guardian” ( https://bit.ly/39EB0Mi ), po i citoj dy pasuse të përkthyera në shqip: “Lufta në Ukrainë do të rezultojë në ushqime dhe energji të shtrenjta për tre vitet e ardhshme, ka paralajmëruar Banka Botërore, duke intensifikuar frikën se ekonomia globale po shkon drejt një ripërsëritjeje të rritjes së dobët dhe inflacionit të lartë të viteve 1970.” dhe më tutje: “Si rezultat i ndërprerjeve të tregtisë dhe prodhimit të shkaktuar nga pushtimi rus i Ukrainës, Banka parashikon një rritje prej 50% të çmimeve të energjisë këtë vit.”
3. Sipas të gjitha gjasëve, energjia elektrike do të shtrenjtohet edhe më shumë në muajt në vijim në Kosovë, për shkak se ne, veçanërisht gjatë periudhës së dimrit kemi mungesë të theksuar të energjisë së prodhuar në termocentralet tona dhe jemi të detyruar të importojmë energjinë. Natyrisht, edhe zogjt në kaçuba e dinë se mungesa e politikave të duhura në sektorin e energjisë është pasojë e paaftësive të të gjitha qeverive të PDK-së, LDK-së dhe AAK-së, si dhe afiniteteve të theksuara kloptokratike/nepotiste të tyre që janë dëshmuar tashmë gjerësisht, qe dy dekada rresht.
4. Ky Kryetar i LDK-së është duke manipuluar me opinionin në mënyrë të vazhdueshme dhe kjo aspak nuk e ndihmon LDK-në për tu afirmuar në skenënë politike në Kosovë, përkundrazi, është duke e rrënuar edhe atë trashëgimi të vagët që ende ka mbetur nga kohët Rugoviane. Por si duket ky njeri nuk është asgjë tjetër përveç një sharllatan karrierist, që i ngjanë aq shumë mercenarëve mediatik/gazetarëve të shitur, që po e helmojnë opinionin me rrena, shpifje dhe të pavërteta, prej të cilave qytetarët e Kosovës nuk kanë asnjë përfitim, rrjedhimisht as partia që ai e udhëheqë.’ ka shkruar profesori Dida.
