Arben Vitia i Vetëvendosjes ka marrë 55 % të votave dhe Përparim Rama i LDK-së 45 % në sondazhin e hapur online në Facebookun zyrtar të Klan Kosovës.
Vitia ka marrë 21,849 vota dhe Rama 17,650 vota në pyetjen e këtij sondazhi të hapur në mënyrë online e që ishte “Kush fiton në Prishtinë?”.
Ky sondazh ka qenë i hapur gjatë kohës që po zhvillohej përballja ekskluzive në Rubikon të Klan Kosovës mes kandidatit të Vetëvendosjes Arben Vitia dhe atij të LDK-së Përparim Rama.
Kujtojmë se dy kandidatët për Prishtinën do të përballen në balotazhin e 14 nëntorit.
