Njohësi i çështjeve politike, Arton Demhasaj, thotë se pas numërimit të votave në rast se nuk ka ankesa, pritet që nga fundi i kësaj jave të bëhet certefikimi i rezultateve zgjedhore, pastaj të fillohet me konstituimin e kuvendit dhe zgjedhjen e presidentit.
Demhasaj u shpreh optimist që brenda marsit të përmbyllet komplet konstituimi i institucioneve dhe të fillohet me punë.
“Tash ka filluar numërimi i votave me kusht, pritet edhe numërimi i votave nga diaspora, kështu që po besoj tash nuk ish dashtë me u vonu numërimi i votave e që do të derivonte me rezultatin e shpalljeve finale, pastaj pritet a ka me pas ankesa, apo jo nga partia politike, nëse nuk ka atëherë mund të flitet që nga fundi i kësaj jave, apo fillimi i javës tjetër të bëhet certefikimi i rezultateve zgjedhore dhe pastaj, pas certefikimit menjëherë duhet të fillojnë procedurat e konstituimit të kuvendit e pastaj me zgjedhjen e presidentit dhe qeverisë në mënyrë që brenda marsit të përmbyllet komplet konstituimi i institucioneve dhe të fillohet me punë”, thotë Demhasaj për gazetën Blic. Krahas formimit të qeverisë, vendi ynë po përballet edhe me çështjen e presidentit, për çka Demhasaj konsideron se brenda partive politike nuk po duket që ka vullnet, për t’i bërë kuorum LVV-së për zgjedhjen e presidentit.
“Deri tash në bazë të asaj që po shihet brenda partive politike nuk po duket që ka vullnet që me i bë kourum VV-së, për zgjidhjen e presidentit. Kështu që deri në atë kohë mbetët me u pa mund të ketë edhe negociata të partive politike për këtë çështje dhe mbetët me u pa se si do të procedohet çështja a do të krijohet kourumi për Vjosën apo do të shkohet më ndonjë kandidat tjetër”, thotë ai.Sa i përket zërave që LVV-ja të lidh marrëveshje me AAK-në për çështjen e presidentit, ai thotë se partia e Ramush Haradinaj nuk lëshon pe.
“Nuk besoj që AAK-ja ka me lëshu pe për kandidaturën e Vjosa Osmanit”, deklaron ai.Vjosa Osmani aktualisht mban postin e UD.së Presidentit pas dorëheqjes së Hashim Thaçit nga posti i Presidentit.
