Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 1 shkurt, shkruan Kosova Post.
1 Shkurti është dita e 32-të e vitit, deri në fund të tij janë edhe 333 ditë.
1 shkurt 1553 – Perandoria Osmane dhe Mbretëria e Francës nënshkruan Traktatin e Stambollit duke formuar një aleancë kundër Perandorisë Austriake. Me këtë marrëveshje, mbreti francez pranoi se ishte vasal i sulltanit osman dhe se ky i fundit ishte perandori i vetëm në Evropë. Në këmbim, Perandoria Osmane u zotua ta ndihmojë Francën me forca tokësore dhe detare në luftën e saj kundër Austrisë.
1 shkurt 1944 – Një tërmet me magnitudë 7,3 ballë sipas shkallës Rihter goditi rrethin Çankiri dhe qytezën Gerede të rrethit Bolu në Turqi. Ky tërmet që rrafshoi pothuajse të gjitha ndërtesat në një hapësirë 200 km të gjatë dhe 25 km të gjerë, u mori jetën mbi 4 mijë njerëzve.
1 shkurt 1979 – Ruhollah Khomeini, i internuar në Francë, u lejua të kthehet në Iran pas 14 vitesh larg atdheut. Internuar në vitin 1964 për shkak të bindjeve politike, Khomeini u prit në Aeroportin e Teheranit nga dhjetëra-mijëra simpatizantë.
1 shkurt 1999 – Baris Manço, muzikant, kantautor, pionier i rrymës muzikore të njohur si “Roku i Anaollit” dhe personalitet televiziv shumë i rëndësishëm në Turqi, u nda nga jeta në moshën 56-vjeçare.
1814 – Libri i Lord Bajronit, “Corsair” (Kusari) shitet 10-mijë kopje ditën e parë të publikimit. Libri është tregim në vargje mbi kusarin Konrad; në rini i refuzuar nga shoqëria për sjelljet dhe veprimet e tij; kur rritet, ai i shpall luftë njerëzimit (me përjashtim të grave). Opera Il Corsaro nga Giuseppe Verdi, overtura Le Corsaire nga Hector Berlioz dhe baleti Le Corsaire nga Marius Petipa bazohen në këtë poemë, që Bajroni e shkroi duke e ndarë në këngë (siç kishte bërë Dante me Komedinë Hyjnore).
KUSARI, nga Lord Bajron
(shqipërim)
“Kur mbi ujërat e qeta të detit blu të errët
Mendime pakufi, dhe shpirti ynë i lirë
si ererat e valët me shkumën e bardhë përplasen
Mbroje mbretërinë, ruaji shtrenjtë shtëpitë tona
Janë zotërime, pandikim, papengesa – ku takohen
Rreth flamurit emblemë të gjithë ata që i binden.”
1865 – Dita e Lirisë – Presidenti amerikan Abraham Lincoln nënshkruan Amendamentin e Trembëdhjetë të Kushtetutës së Shteteve të Bashkuara që ndalon skllavërinë dhe robërinë e pavullnetshme, përveç si masë dënimi për një krim.
1884 – Publikohet vëllimi i parë i fjalorit (nga A në Ant) anglisht të Oksofordit (Oksford’s English Dictionary – OED. Sot ky fjalor përbehet nga 20 vëllime me më shumë se 600-mijë fjalë të provuara në ekzistence para më shumë se 1 mijë vjetëve. OED nuk përfshin çdo fjalë të anglishtes, dhe nuk i heq nga përmbajtja fjalët që zevendësohen të reja. OED kushton mesatarisht 3 mijë dollarë. Parë vetëm nga një vështrimi I zhvillimit, rëndësia e një fjalori të tillë qëndron jo në numrin e fjalëve, as sa shtrenjtë shitet, por në faktin se si pas-ardhësit trajtojnë punën e para-ardhësve dhe vazhdojnë pasurimin me fjalë ose me hapjen e një udhe të filluar prej tyre.
1893 – Thomas A. Edison përfundon kostruktimin e studios së parë të filmit njohur si Black Maria në West Orange, New Jersey.
