Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 18 janar, shkruan Kosova Post.
18 Janari është dita e 18 e vitit, deri në fund të tij janë edhe 357 ditë.
18 janar 1778 – Zbuluesi anglez James Cook ishte eksploruesi i parë evropian që mbërriti në ishujt Havai. Në vitin 1768 Cook u ngarkua fillimisht me detyrën e studimit të Oqeanit te Madh. Ajo që i bëri të rëndësishme zbulimet e tij ishte se vendet që gjeti ai u bënë më vonë koloni të vendeve evropiane. Cook u nis tre herë për lundrime të mëdha zbuluese dhe vdiq në vitin 1779 në një përleshje me banorët autoktonë të ishujve Havai.
18 janar 1886 – Në revistën “Kopshti i luleve” (Şüküfezar) filloi një përpjekje kundër thënies “Flokët e gjatë e mendja e shkurtër”, që nënkuptonte që gratë nuk kanë mendje aq sa duhet. Revista “Kopshti i luleve” (Şüküfezar) është revista e parë e gruas myslimane. Revista nxirrej nga Arife Hanëmja, vajza e shkolluar ministrit osman të Arsimit, Münif Pasha. Të gjitha kontribuueset me shkrime e artikuj të kësaj reviste ishin femrat intelektuale të periudhës Osmane, të cilat mbronin idenë se gruaja krahas detyrave klasike që i ishin ngarkuar asaj në ato vite duhet të lexonte, të arsimohej dhe të merrte pjesë në jetën shoqërore. Në të gjithë numrat e saj revista “Şüküfezar” mbrojti të drejtat e grave dhe barazinë gjinore.
18 janar 1919 – U hap Konferenca e Paqes së Parisit, një platformë e krijuar nga përfaqësuesit e Shteteve të Antantës për të bërë traktatet e paqes me shtetet që kishin dalë të humbura nga Lufta e Parë Botërore. E ndërsa harta e Evropës po vizatohej sërish, provincat Urfa, Antep, Maraş, të cilat ishin territore osmane, iu dhanë francezëve, kurse për Anadollin Perëndimor u mor vendim që të pushtohej nga grekët. Në mbledhjet e Konferencës së Paqes së Parisit morën pjesë ShBA-ja, Franca, Anglia, Italia dhe Hungaria.
18 janar 1927 – Senati amerikan refuzoi miratimin e Traktatit të Lozanës, i nënshkruar nga përfaqësuesit e Kuvendit të Madh Popullor të Turqisë (TBMM) dhe përfaqësuesit e Perandorisë Britanike, Republikës së Francës, Mbretërisë së Italisë, Perandorisë së Japonisë, Mbretërisë së Greqisë, Mbretërisë së Rumanisë dhe Mbretërisë Serbo-Kroato-Sllovene. Vetëm se Traktati i Lozanës, të cilin turqit e firmosën në fund të Luftës Nacionalçlirimtare, që ata kishin filluar pas pushtimit të tokave të copëtuara të Perandorisë Osmane, u zbatua pavarësisht vendimit të Amerikës dhe hyri në histori si ‘tapia’ e Republikës së Turqisë.
