Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 24 nëntor, shkruan Kosova Post.
24 Nëntori është dita e 328 e kalendarit, kështu që deri në fund të vitit kanë mbetur edhe 37 ditë.
24 nëntor 1859 – Shkencëtari britanik, Charles Darwin, publikoi veprën me titull “Mbi Origjinën e Specieve”, e cila do të shkaktonte debate të ashpra ndërmjet botës së shkencës dhe institucioneve fetare. Darwini shpalosi për herë të parë në këtë libër edhe tezën e tij të njohur si “Teoria e Evolucionit”.
24 nëntor 1928 – Në Fletoren Zyrtare të Republikës së Turqisë u publikua ligji “Për Shkollat Kombëtare”. Data 24 nëntor, në të cilët Ataturku pranoi titullin honorar “Mësues i Përgjithshëm”, në Turqi festohet si “Dita e Mësuesit” që prej vitit 1981, me rastin e 100-vjetorit të lindjes së tij.
24 nëntor 1934 – Presidenti Gazi Mustafa Kemal mori mbiemrin “Ataturk” me një ligj special të miratuar në Kuvendin e Madh Popullor të Turqisë. Ligji në fjalë ndalon përdorimin e mbiemrit “Ataturk” nga persona të tjerë përveç Gazi Mustafa Kemalit.
24 nëntor 1976 – Një tërmet 7,2 ballësh goditi qytetin Van të Turqisë dhe rrethinat e tij. Në këtë fatkeqësi natyrore humbën jetën 3.840 persona.
24 nëntor 1989 – Terroristët e PKK-së bënë masakër në fshatin Ikiyaka të rrethit Hakkari. Ata vranë barbarisht 28 persona, shumica e të cilëve gra dhe fëmijë.
24 nëntor 1991 – Freddy Mercury, solist i grupit të famshëm “Queen”, u nda nga jeta në Londër.
24 nëntor 2015 – Marrëdhëniet turko-ruse u bënë skenë e krizës më të madhe në historinë e kohëve të fundit. Një avion luftarak rus i tipit “Su-24”, i cili ishte ngritur në fluturim nga qyteti Latakia i Sirisë, u rrëzua nga avionët luftarakë turq të tipit “F-16” pasi kishte shkelur hapësirën ajrore të Turqisë.
24 nëntor 2017 – Terroristët e Al-Kaidës sulmuan me bomba dhe armë një xhami në qytetin Arish të Egjiptit. Në këtë sulm terrorist gjetën vdekjen 305 veta dhe u plagosën mbi 100 të tjerë.
1932 – Në Uashington – FBI (Byroja Federale e Hetimeve) përuron Laboratorin e Krimeve, vendosur aktualisht në Bazën e Korpusit të Marinës në Quantiko, Virginia. Laboratori njihej fillimisht si Laboratori Teknik dhe fitoi status të veçantë kur Byroja e Hetimeve BOI u riemërua FBI. Një libër më 1998, bazuar në të dhëna nga brenda FBI-së, hodhi hije dyshimi mbi këtë laborator, duke ngritur shqetësime mbi nevojën e reformimit për një punë më të kualifikuar shkencore, që pengohej sa nga mendësia e vjetër, aq edhe nga pakësimi aktual i fondeve federale. Kritikat nxitën reforma brenda FBI-së nga drejtori i atëhershëm, Lou Frey.
1947 – SHBA – Komisioni i Dhomës së Përfaqësuesve mbi hetimin e Aktiviteteve anti-amerikane dënon me 6 muaj deri në 1 vit burgim grupin e ashtuquajtur “Hollywood 10” , Lista e zezë me emrat e 10 regjisorëve, operatorëve, skenaristëve, aktorëve, drejtorëve të filmave për qëndrim mospërfillës ndaj pyetjeve të Komisionit nëse ishin ose jo komunistë. Ata kishin dalë përpara Komisionit të Aktiviteteve anti-amerikane në tetor 1947 dhe refuzuan t’u përgjigjeshin pyetjeve në lidhje me përkatësinë e tyre të mundshme komuniste. Grupi fillimisht përfshinte edhe shkrimtarin gjerman Bertolt Brecht, por Brecht iku nga Amerika. Ndërsa ishte në burg, Edward Dmytryk, drejtor filmi, ndahet nga të dënuarit e tjerë dhe bie dakord për të bashkëpunuar me Komisioni, duke pranuar se ishte komunist dhe kallzoi emrat e 26 të tjerëve. Me përjashtim të Dmytryk, 9 pjestarët e listës së zezë u përjashtuan nga industria amerikane e filmit; megjithëse disa përdorën pseudonime, si për shembull Dalton Trumbo, i cili me emër të rremë fitoi edhe Çmimin Oskar për skenarin më të mirë për filmin “The Brave One “(1956). Lista e zezë e kuqe u shfuqizua nga fillimi i viteve 1960.
642 – Detari holandez Abel Tasman zbuloi ishullin në jug të Australisë dhe e quajti toka e Van Dimenit, e cila për nderë të tij u quajt Tasmania
