Disa nga ngjarjet, njerëzit dhe datat më me ndikim në historinë botërore që kanë shënuar ditën e sotme, 6 dhjetor, shkruan Kosova Post.
6 Dhjetori është dita e 340 e kalendarit, kështu që deri në fund të vitit kanë mbetur edhe 25 ditë.
6 dhjetor 1865 – Pas përfundimit të Luftës Civile Amerikane, në Kushtetutën e Shteteve të Bashkuara të Amerikës u shtua neni 13. mbi ndalimin e skllavërisë. Presidenti Abraham Lincoln, i njohur si një kundërshtar i fuqishëm i rendit skllavopronar, nuk arriti ta shohë ligjësimin e draftit mbi ndalimin e skllavërisë pasi humbi jetën si pasojë e një atentati fatal më 18 prill të atij viti.
6 dhjetor 1917 – Një anije e ngarkuar me eksplozivë u përplas me një anije tjetër në qytetin Halifaks të Kanadasë. Turma kureshtare filloi të mblidhet në portin e qytetit për të parë se çfarë kishte ndodhur dhe pikërisht në ato çaste ndodhi shpërthimi i lëndëve plasëse në anije, i cili shkaktoi vdekjen e 2.000 personave, plagosjen e mijëra të tjerëve dhe rrënimin e një pjese të qytetit.
6 dhjetor 2017 – Presidenti i Shteteve të Bashkuara të Amerikës, Donald Trump, njohu Jerusalemin si kryeqytet të Izraelit dhe njoftoi transferimin e ambasadës së vendit të tij nga Tel-Avivi në Qytetin e Shenjtë. Organizata e Bashkëpunimit Islam, e cila u mblodh në Stamboll pas këtij vendimi që shkaktoi reagimin e shteteve myslimane, e shpalli Jerusalemin Lindor si kryeqytet të Palestinës.
1768 – Në Edinburg të Skocisë del botimi i parë i Enciklopedisë Britanike, njohuri të përgjithshme të gjithëanëshme në gjuhën angleze; ky botim i parë përbëhej nga 3 vëllime; botimi i vitit 2010, përmban 32 vëllime (më shumë se 1 vëllim për çdo shkronjë të alfabetit anglisht). Enciklopedia Britanike është shkruar nga rreth 100 redaktorë dhe më shumë se 4000 bashkëpuntorë, përfshi 110 fitues të Çmimit Nobel dhe pesë presidentë amerikanë. Ajo konsiderohet si një nga enciklopeditë më akademike në botë dhe më e vjetra në anglisht, e cila ende vazhdon të botohet.
