Në kuadër të raportit 24 orësh, Policia e Kosovës, ka bërë të ditur se 29 vjeçari A.B nga Ferizaj është arrestuar pasi kishte kanosur ish-bashkëshorten e tij 25 vjeçare, R.B, transmeton Kosova Post.
Sipas raportit , kanosja erdhi pas një grindje.
Stacioni policor në Ferizaj mbrëmë rreth orës 22:30 ka pranoi informatën se në rrugën ‘’Ahmet Kaçiku’’ në Ferizaj është një rast i kanosjes.
“Në lidhje me këtë, policia i ka marrë veprimet e nevojshme dhe menjëherë ka dalë në vendin e ngjarjes dhe ka arrestuar personin e dyshuar me inicialet A.B (M/K) i moshës 29 vjeçar, i cili pas një grindje, kishte kanosur ish bashkëshorten e tij me inicialet R.B ( F/K) e moshës 25 vjeçare”.
I dyshuari është shoqëruar në stacionin policor në Ferizaj dhe pas intervistimit nga ana e policisë , Sektori i Dhunës në Familje, me vendim të Prokurorit të Prokurorisë Themelore në Ferizaj, është dërguar në mbajtje për 48 orë për procedura të mëtejme hetimore, ndërsa rasti është cilësuar ‘’ Kanosje’’.
