Këto pritet të jenë ngjarjet e ditës në Kosovë, 14 dhjetor:
Mbahet diskutimi publik mbi Projektligjin për Financimin e Partive Politike. (Ndërtesa e Qeverisë, salla P-38, ora 09:00).
Kryetari i Kuvendit të Kosovës, Glauk Konjufca, mban takim me kryetarin e Grupit Parlamentar të Partisë Socialiste në Kuvendin e Shqipërisë, Taulant Balla. (Kabineti i kryetarit, ora 09:00).
Komisioni për Punë të Jashtme dhe Diasporë mban fjalë rasti lidhur me vdekjen e senatorit amerikan, Bob Dole, takim me ambasadorin e Norvegjisë, Jens Erik Grøndahl dhe vendosja e luleve te busti i senatorit Dole. (Kuvendi i Kosovës, salla C-301, ora 09:30).
Vazhdon procesi gjyqësor ndaj Salih Mustafës.(Hagë, ora 09:30-16:00).
Ministri i Administrimit të Pushtetit Lokal, Elbert Krasniqi, raporton në Komisionin për Administratë Publike. (Kuvendi i Kosovës, salla N-204, ora 10:00)
Komisioni për Arsim shqyrton Projektligjin për ratifikimin e memorandumit të mirëkuptimit në mes Ambasadës së ShBA-së dhe MAShTI-t, në Programin e Shkëmbimit Akademik Fulbright. (Kuvendi i Kosovës, salla N-303, ora 10:00).
Komisionarja e Agjencisë për Informim dhe Privatësi, Krenare Sogojeva – Dermaku, raporton në Komisionin për Çështje të Sigurisë dhe Mbrojtjes. (Kuvendi i Kosovës, salla N-302, ora 10:00).
Mbahet ngjarja përmbyllëse e projektit për Cilësinë e Ajrit, “Era Dimën”, implementuar nga Fondacioni i Mileniumit i Kosovës (MFK). (Klan Arena, ora 10:00-14:00).
Presidentja e Kosovës, Vjosa Osmani, do të merr pjesë në mbledhjen e Këshillit Konsultativ për Komunitete. (Kuvendi i Kosovës, salla N–506, ora 11:00).
Ministrja e Ekonomisë, Artane Rizvanolli, raporton në Komisionin për Ekonomi për furnizimin e vendit me energji elektrike, si dhe për funksionimin e ndërmarrjeve publike. (Kuvendi i Kosovës, salla N-10, ora 11:00).
Plus Center në Ferizaj si qendra e vetme tregtare e madhe në Kosovë pa produkte serbe feston përvjetorin e 21-të. I ftuar kryeministri Albin Kurti. (Ora 11:00).
OJQ Aktiv mban konferencën “Analiza e trendit 2021: Qëndrimet e komunitetit serb në Kosovë”. (Hotel “Swiss Diamond”, salla e konferencave “Marec”, ora 11:00).
Ministri i Bujqësisë, Faton Peci, raporton në Komisionin për Mjedis. (Kuvendi i Kosovës, salla N-302, ora 13:00).
Vazhdon seanca plenare e Kuvendit të Kosovës. (Kuvendi i Kosovës, ora 14:00).