Një operacion antidrogë i zhvilluar në Belgjikë, ka shkatërruar një grup të madh të trafikut të drogës, në mesin e të cilëve ka edhe shqiptarë.
Sipas mediave tw huaja, janë arrestuar 4 persona, mes tyre shqiptarë dhe rumunë. Po ashtu është sekuestruar një sasi prej 1 ton e gjysmë kokainë, e cila në treg kapte vlerën 43 milionë euro.
Kokaina që transportohej ishte e fshehur mes pjesëve të Toyota-s dhe të arrestuarit rrezikojnë deri në 7 vite burg.
Grupi kriminal bënte transportin e kokainës mes Belgjikës dhe Anglisë, por autoritetet ranë në gjurmët e tyre pas një kontrolli të kryer në Francë, në kuadër të operacionit “Sky”. Policia zbuloi aty një telefon me qindra mesazhe të zhvilluara mes kriminelëve.