Kishte kohë që Leonora Jakupi kishte bërë një pauzë sa iu përket këngëve patriotike, por kjo pauzë përfundoi para pak ditësh, kur këngëtarja nga Skenderaj lansoi disa këngë patriotike brenda një albumi të publikuar së fundmi, shkruan KosovaPost.
“Ne askujt s’i kemi hak, e kemi mbrojtë çdo pëllëmbë me gjak, jemi betuar për atdhe, bashkë me ju jemi ne. Komandant, këtu na ke, ju që dhatë gjithçka për atdhe”. Mediumi në gjuhën serbe, KoSSev i citon këto vargje të këngëtares Leonora Jakupi, nga kënga e fundit të cilën e publikoi mbrëmë, duke njoftuar për projektin e ri të saj.
Ky medium e ka bërë lajm këngën e re të Leonora Jakupit kushtuar pjesëtarëve të Ushtrisë Çlirimtare të Kosovës të cilët po mbahen në paraburgimin e Gjykatës Speciale në Hagë.
Duke i cituar disa nga mediat kosovare, “KoSSev” shkruan se pak pas publikimit në YouTube, kënga ka marrë afër 5500 pëlqime.
Në fund, ky medium tregon se në Hagë po zhvillohet një proces gjyqër kundër disa prej njerëzve të Shtabit të Përgjithshëm të UÇK-së, dhe e sjell të plotë në gjuhën serbe, tekstin e këngës së re të këngëtares 42-vjeçare.