Komandat Remi 'shpërthen' me akuza ndaj PDK-së: PDK-Origjina dhe hijenat...

Ish zyrtari i lartë i PDK-së, Rrustem Mustafa (Komandant Remi) që ka pushuar aktivitetin e i tij në strukturat e PDK-së, ka “shpërthyer” me akuza ndaj kësaj të fundit.

Mustafa në një shkrim në Facebook, të titulluar “PDK-Origjina dhe hijenat”, ka shkruar për themelet e krijimit të PDK-së nga njerëz kredibil, ndërsa i quan ‘hijena’ të akomoduarit në këtë parti siç thotë ai që kanë qenë njerz të afërt me pushtetin para vitit 1999.

‘PDK është parti e themeluar nga njerëz që kanë demonstruar kredenciale të larta morale e kombëtare në kohët e arritjeve të mëdha kombëtare. Me kalimin e viteve, ajo ka akomoduar edhe oportunistë e njerëz që kanë qenë të afërt me ish pushtetin e para vitit 1999’, KA SHKRUAR Mustafa në Facebook.

Lexo Edhe:

A do t’ia bëjë PDK’ja kuorumin VV’së për zgjedhjen e Osmanit presidente?- Deklarohet Bekim Haxhiu

Dështimi në zgjedhje përçan PDK-në, paralajmërohet suspendimi i saj nga politika

Sipa tij të tillët nuk i duhen gjë PDK-së dhe ata, është koha të largohen nga ky diskurs krejtësisht cinik.

“Kjo nuk duhet të tolerohet nga PDK”, ka shkruar ndër tjera Remi.

Postimi i plotë i Mustafës:

PDK-Origjina dhe hijenat…

PDK është parti e themeluar nga njerëz që kanë demonstruar kredenciale të larta morale e kombëtare në kohët e arritjeve të mëdha kombëtare. Me kalimin e viteve, ajo ka akomoduar edhe oportunistë e njerëz që kanë qenë të afërt me ish pushtetin e para vitit 1999. Sot, me njerëz që janë angazhuar rishtazi (Doktoranta, mastera të internetit e lloj-lloj kualifikimesh)në PDK, kemi arritur deri aty sa dikush që vjen nga lidhje të afërta me ish pushtuesin, të jap ‘çertifikata’ për individë brenda PDK-së, që përcaktojnë shkallën e lojalitetit të tyre ndaj vlerave të UÇK-së, madje, këtë ‘çertifikatë’ ja akordojnë edhe vet eprorëve të UÇK-së.

Të tillët nuk i duhen gjë PDK-së dhe ata, është koha të largohen nga ky diskurs krejtësisht cinik.

Ka një kohë që e kam pushuar aktivitetin tim në strukturat e PDK-së, por nuk mund të rrija neutral e të mos reagoj ndaj personazheve që njihen për afërsinë e tyre me ish pushtetin e që sot, kinse në emër të reprezentimit të PDK-së, aktrojnë superioritet e lidership ndaj personaliteteve më meritore të hierarkisë së UÇK-së.

Kjo nuk duhet të tolerohet nga PDK.

Është e tepërt.