Kryetari i Kuvendit të Kosovës, Glauk Konjufca, i ka reaguar shefit të Grupit Parlamentar të PDK-së, Abelard Tahiri, duke thënë se ai dhe shumë zyrtarë të tjerë publikë e kanë dhënë pagën për Fondin e Sigurisë.
Ai, në seancën e sotme plenare për situatën e sigurisë në vend, tha se me dhurimin e pagave për Fondin e Sigurisë nuk duhet bërë publicitet.
“Unë për vete e kam dhënë (pagën), por nuk mendoj se duhet bërë publicitet për këtë punë. Mendoj se shumë prej zyrtarëve publikë e kanë dhënë (pagën), por nuk është punë e publicitetit”, tha ai.
