Gjendja e jashtëzakonshme është shpallur për shkak të sulmeve kibernetike të vazhdueshme në Kosta Rika, transmeton Kosova Post.
Sipas lajmeve në shtypin rajonal, qeveria e Kosta Rikës deklaroi se terroristët kibernetikë i sulmojnë prej pak kohësh dhe se në këtë drejtim janë marrë vendime të reja.
Komisioni Kombëtar i Emergjencave, i kryesuar nga presidenti Rodrigo Chavez, vendosi për një “emergjencë” në vend.
Ministria e Financave deklaroi se sistemet e tyre ende nuk po funksionojnë siç duhet për shkak të sulmeve kibernetike dhe se po përjetohen humbje të rënda financiare.
Nga ana tjetër, u tha se grupi rusisht-folës “Conti” mori përgjegjësinë për sulmin kibernetik ndaj institucioneve të rëndësishme të vendit.
Departamenti Amerikan i Shtetit njoftoi javën e kaluar se po ofronte deri në 10 milionë dollarë shpërblime për këdo që ndihmon në identifikimin ose gjetjen e udhëheqësve Conti.
– Sistemet dixhitale u çaktivizuan
Në një deklaratë të Presidencës më 22 prill, thuhet se për një javë janë kryer sulme kibernetike ndaj institucioneve qeveritare dhe janë çaktivizuar disa platforma dixhitale./KosovaPost/.
