Gjatë qëndrimit të tij, ai do të takohet me liderë të institucioneve shtetërore, kryeministrin e vendit Albin Kurti, presidenten Vjosa Osmani si dhe me zyrtarë të tjerë.
Në takimin ndërmjet dy kryeministrave, Dritan Abazoviq dhe Albin Kurtin do të nënshkruajnë marrëveshjen bilaterale për korridorin e qiellit të hapur, me të cilin parashihet lejimi i shfrytëzimit të hapësirës ajrore të Malit të Zi nga aeroplanët që fluturojnë nga Aeroporti i Prishtinës.
Abazoviç do të takohet edhe me drejtues të partive opozitare.
Abazoviq tri ditë në Kosovë, Shahini nga AKB: Është rritur komunikimi me Malin e Zi, vizita e tij ka karakter ekonomik e politik
Lexo po ashtu
Abazoviq tri ditë në Kosovë, Shahini nga AKB: Është rritur komunikimi me Malin e Zi, vizita e tij ka karakter ekonomik e politik
Kryetari i AKB-së, Agim Shahini në një konferencë për medie tha se vizita e Abazoviqit ka karakter ekonomik dhe politik.
“AKB-ja ka rritur komunikimin me Malin e Zi, me qëllim të rritjes së bashkëpunimit ekonomik. Vizita ka karakter ekonomik, politikë dhe kulturor, e që do të organizohen 20 aktivitete për datat 13, 14 dhe 15 prill”, tha Shahini.
Sipas tij, kryeministri malazez do të bëjë vizita në disa biznese vendore.
“Ishim ditë më herët në vizitë në Mal të Zi dhe kemi ngritur problemet e disa çështjeve. Janë rritur investimet nga dy anët. Do ta nënshkruaj një marrëveshje me AKB-në dhe do të ketë disa vizita me bizneset në Kosovë dhe Shqipëri”, shtoi ai.
