Kryeministri i Republikës së Maqedonisë së Veriut, Dimitar Kovaçevski, priti kryeministren e Republikës së Serbisë, Ana Bërnabiq, e cila po qëndron për një vizitë pune në vend, raporton Kosova Post.
Pas takimit të mbajtur në Qeverinë e Republikës së Maqedonisë së Veriut, kryeministrat e dy vendeve do të marrin pjesë në Samitin e organizuar nga “Maqedonia 2025”.
Tema kryesore e Samitit të sivjetmë “MK2025” është bashkëpunimi rajonal, me fokus ekonominë, të ardhmen e kompanive, fuqisë punëtore dhe administratës përmes inovacionit dhe transformimit digjital.
