Aleksei A. Navalny, një nga udhëheqësit më të shquar të opozitës ruse, citohet të ketë deklaruar se nuk do ta ndërpres grevën, derisa të marrë trajtimin e duhur mjekësor, bashkë me kushtin që ai vetë ta zgjedh mjekun, shkruan New York Times, përcjell Kosova Post.
Navalny e filloi një grevë urie të mërkurën që e lamë prapa, si shenjë proteste ndaj asaj se atij nuk po i ofrohet kujdesi i duhur mjekësor për dhimbjet e forta në shpinë dhe këmbën e tij të djathtë.
Nëpërmjet një letre, kritiku më i madh i Presidentit Vladimir V. Putin, ka adresuar ankesat e tij në llogari të zyrtarëve të burgut, ku ndër të tjera thekson se pavarësisht keqësimit të gjendjes, atij nuk po i lejohet të vizitohet nga një mjek i zgjedhur nga ai, e madje as t’i marr ilaçet e nevojshme.
Navalny, i cili pësoi një helmim gati vdekjeprurës në gushtin e vitit të kaluar, u shpreh se, ai nuk do të heqë dorë nga greva, pa u plotësuar këto kushte./KosovaPost/