Teksa është duke u mbajtur seancë e jashtëzakonshme në Kuvendin e Republikës së Kosovës, ku deputetët e Kuvendit të Kosovës kanë filluar të debatojnë lidhur me paralajmërimet për shtrenjtimin e energjisë elektrike, ka pasur një “përplasje” ndërmjet kryeministrit të Republikës së Kosovës, Albin Kurti dhe deputetëve të opozitës, shkruan KosovaPost.
Deputeti nga rradhët e AAK-së, Besnik Tahiri ka fajësuar Kurtin se po mban mindilin e nuk po kryen punë për rritjen e çmimit të energjisë elektrike.
“Populli nuk ta ka qitë votën me kapë minilin me kajtë.
Kërkesa jonë për ty është, mos e le shtrejtimin(për energjinë elektrike) se mundesh.”
E, Kurti i tha Tahirit dhe deputetëve të opozitës se rryma në Kosovë është shumë lirë, sa përmendi frazën popullore: “më lirë se badihava”
“Aq lirë ka qenë fatura e energjisë elektrike, saqë nuk e kanë ditë(qytetarët) se sa paguajnë” shtoi Kurti.
“KEK-u ka siguruar 60 milionë euro shtesë mbi energjinë elektike”
Tutje ai përmendi se sikurëse të kishte ndërtime, e mos të kishte zhvatje, apo sikurëse të mos kishte kaluar pronësia te KEDS, do të ishte situatë ndryshe.
Kurti tha se gishti nuk duhet drejtuar nga Qeveria e udhëhequr nga ai lidhur me situatën energjetike në Kosovë.
