Lëvizja Vetëvendosje ka arritur të dalë fituese nga zgjedhjet e 14 shkurtit. Kësisoj VV deri më tani nga votat e rregullta arriti të marrë mbi 47%, shkruan Kosova Post.
Kurti ndër të tjerash ka deklaruar se asnjë fëmijë nuk do të mbetet i uritur dhe nuk do të mbetet mbrapa.
“Neni 50 i Kushtetutës garanton mbrojtjen, kujdesin dhe mirëqenien e fëmijëve tanë. Pushimi i lehonisë për prindërit do të jetë 12 muaj, kurse nënat e papunësuara do të përfitojnë 250€ në gjashtë muajt e parë të lehonisë.Asnjë fëmijë nuk do të mbetet i uritur dhe nuk do të mbetet mbrapa. Familjet që kanë të ardhura të ulta do të përfitojnë për çdo fëmijë, varësisht nga të ardhurat vjetore që familja ka. Nga 50€ për fëmijë nëse familja ka të ardhura vjetore më pak se 7000€. Nga 100€ për fëmijë nëse familja ka të ardhura vjetore më pak se 6000€. Nga 150€ për fëmijë nëse familja ka të ardhura vjetore më pak se 5000€”, thuhet në njoftim.
Njoftimi i plotë:
“Neni 50 i Kushtetutës garanton mbrojtjen, kujdesin dhe mirëqenien e fëmijëve tanë. Pushimi i lehonisë për prindërit do të jetë 12 muaj, kurse nënat e papunësuara do të përfitojnë 250€ në gjashtë muajt e parë të lehonisë.
Asnjë fëmijë nuk do të mbetet i uritur dhe nuk do të mbetet mbrapa.
Familjet që kanë të ardhura të ulta do të përfitojnë për çdo fëmijë, varësisht nga të ardhurat vjetore që familja ka. Nga 50€ për fëmijë nëse familja ka të ardhura vjetore më pak se 7000€. Nga 100€ për fëmijë nëse familja ka të ardhura vjetore më pak se 6000€. Nga 150€ për fëmijë nëse familja ka të ardhura vjetore më pak se 5000€.
Të gjitha familjet do të përfitojnë shtesa mujore për fëmijë: 20€ për çdo fëmijë nën 2 vjeç, dhe 10€ për fëmijët mes moshës 2 deri 16. Do të hapen 160 çerdhe të reja në gjithë territorin e vendit, dhe do të ofrohen shujta falas për të gjithë nxënësit nga klasa e parë deri në klasën e pestë”, kryeministri Kurti.
