I shoqërua edhe nga ministri i FSK-së, Armend Muja, Kryerminsitri i Republikës së Kosovës, Albin Kurti, ka zhvilluar takim me Gjeneralmajorin e Gardës Kombëtare të Iowas, Benjamin Corell, si dhe pjesëtarët e FSK-së që po qëndrojnë për trajnime në Iowa, transmeton Kosova Post.
Për këtë ka bërë të ditur vetë ministri i Mehaj përmes rrjetit social.
‘Në kuadër të takimeve në shtetin e Iowas, bashkë me Kryeministrin Kurti takuam Gjeneral-majorin e Gardës Kombëtare të Iowas, Benjamin Corell, si dhe pjesëtarët e FSK-së që po qëndrojnë për trajnime në Iowa.
Corell vlerësoi lartë kontributin e ushtarëve tanë në misionet e paqes në Lindjen e Mesme, e në anën tjetër ne e falenderuam për bashkëpunimin e vazhdueshëm, faktin që Republika e Kosovës tashmë shihet si partner i besueshëm i gatshëm për bashkëzbarkim me Gardën Kombëtare të Iowas në çdo mision.
Zbarkimi i FSK-së së bashku me ushtarët e SHBA-ve në misione jashtë shtetit tonë, strehimi dhe asistimi i transportimit të refugjatëve afganë, janë elemente të një shteti bashkëpunues që përqafon vlerat evropiane, si dhe hap i rëndësishëm drejt zhvillimit të reformës në Ushtrinë e Republikës së Kosovës sipas standardeve Euro-Atlantike.
Misionet paqeruajtëse, kërkesa për bazë të përhershme ushtarake amerikane në Republikën e Kosovës dhe vullneti i Qeverisë për bashkëpunim në industrinë e mbrojtjes, janë mesazh i qartë i qëndrimit tonë karshi aletatëve tanë dhe gatishmërisë së vazhdueshme që kemi për të qenë kontribues të sigurisë në botë.
Ky partneritet ndërmjet Kosovës dhe Iowas ka ndihmuar në shkëmbimin e vlerave dhe përvojave dhe do t’u ofroj qytetarëve të të dy shteteve mundësi më të mëdha.
Kosova me rininë e saj dhe Iowa me kompanitë e gatshme për investim, janë sinergjia e një miqësie të përjetshme me rezultate shumë pozitive.
