Kryeministri i Kosovës, Albin Kurti, ka përmendur tri arsye pse duhet votuar kandidatin për kryetar të Vitisë, Arsim Ademin.
Përmes një postimi në Facebook, Kurti tutje ka thënë se me Ademin, Vitia do të ketë mundësi të barabarta në punësim e zgjidhje për problemet e shumta të këtij qyteti dhe fshatrave të saj.
“Shumë fjalë duhen për ta prezantuar Arsim Ademin. E para është: shkenca. Ai rikthehet në Viti, në Vërban të Vitisë ku edhe ishte lindur për t’u angazhuar e duke sjellë me vete diplomë doktorature nga Norëegian University of Life Sciences në Aas të Norvegjisë si dhe punime të shumta shkencore. E dyta, është modestia dhe entuziazmi bashkë, karakteristikë e njerëzve të përqendruar te puna. E treta është risia. Diçka të re sjellë Arsim Ademi në Viti, diçka që nuk ekzistonte më herët në qeverisjen lokale: mundësi të barabarta në punësim e zgjidhje për problemet e shumta të Vitisë e të fshatrave të saj. Arsimi sot kërkon besim dhe garanton zhvillim”, ka shkruar Kurti.
