Kryeministri Albin Kurti është lajmëruar nga Shtetet e Bashkuara të Amerikës, prej ku ka kërkuar nga Përfaqësuesi i posaçëm i Bashkimit Evropian për dialogun Kosovë-Serbi, Mirosllav Lajçak, që të tregojë se pse nuk u arrit marrëveshje për target.
Kurti ka thënë se i takon Lajçakut që të shpjegojë publikisht se cila palë nuk ishte konstruktive.
Ai është shprehur i bindur se Bislimi ka qenë konstruktiv.
“I takon lehtësuesit që të sqarojë se pse konkretisht nuk u arrit marrëveshja e cila ka qenë mjaft afër e për të cilën edhe Lajçak është angazhuar shumë”, ka thënë Kurti për RTK’në.
Ndryshe, Përfaqësuesi i posaçëm i Bashkimit Evropian për dialogun Kosovë-Serbi, Miroslav Lajçak, ka njoftuar se nuk është arritur asnjë marrëveshje për targat në Bruksel, në takimin ndërmjet kryenegociatorëve nga Kosova dhe Serbia.
