Shefja e Grupit Parlamentar të VV-së, Mimoza Kusari- Lila, në seancën plenare ku po diskutohet për propozimin e ZRrE-së për rritje të çmimit të rrymës, theksoi se amvisëritë e kanë kthyer ngrohjen me rrymë shkaku i çmimit të lirë.
Sipas saj, ngroja me rrymë edhe në amvisëri , ka ardhur shkaku i heqjes së bllok-tarifave.
“Në shumë amvisëri për shkak të heqjes së bllok-tarifave shumë nga to edhe pse kishin mundësi të ngroheshin përmes alternativave tjera e kthyen ngrohjen me rrymë për arsye të çmimit më të ulët”, tha ajo.
Tutje Kusari tha se është i paevitueshëm kthimi i bllok-tarifave.
Për më tepër Kusari- Lila, ka thënë se për situatën e krijuar edhe me çështjen e energjisë elektrike fajtore janë qeveritë e kaluara.
“Prandaj kthimi i bllok tarifave është i paevitueshëm pasi ishte hequr në vitin 2017 bashkë me kthimin e shprehisë së kursimit dhe vetëdijësimit të konsumatorëve për kursimin e energjisë”, tha ajo në Kuvend.
