Pasioni për të qenë shefe kuzhine nuk e ndaloi Anën, me prejardhje nga Fushë Kruja të merret me modelizëm. Përkundrazi modelizmi iu bë profesion me të cilin ajo merret aktualisht krahas marketingut dhe aktrimit, raporton KosovaPost.
Si nisi gjithçka dhe kush e zbuloi talentin dhe prirjen e saj për tu marrë me modelizëm? Modelja Gentiana Llapi që njihet me emrin artistik ANNA ka folur më shumë për këtë në një intervistë të dhënë për KosovaPost.
“Talentin tim për modelizëm e ka zbuluar producenti Z.Shpejtim Zejneli ,i cili ka qenë një suport shumë i madh për mua, e falenderoj pafund për mundësinë që më ka dhënë në agjencinë e tij “Freedom” dhe në rrugëtimin tim nëpër konkurse bukurie si brenda dhe jashtë Shqipërisë”.
Tutje ANNA argumentoi se ka marrë pjesë në disa konkurse bukurie si: Miss Kuq e Zi ( Shqipëri ), Miss Turizmi ( Shqipëri ), Miss Pavarësia ( Kosovë ), dhe sfilata prezantimi të koleksioneve të ndryshme fustanesh.
Modelja shtoi se ka qenë pjesë e konkurseve të bukurisë edhe në Maqedoni.
Kam marrë pjesë në konkurs bukurie në Shqipëri, Kosovë ndërsa në Maqedoni kam marrë pjesë në sfilatën “Top Model Balkan”. Jam shumë e lumtur, pasi jam vlerësuar me çmime të ndryshme dhe përpos kësaj më kanë ndihmuar shumë që të më hapen rrugë tjera në karrierën e modelizmit. Më pas oferta kam pasur të shumta, kam marrë pjesë në videoklipe muzikore dhe tek filmi i fundit që do të promovohet së shpejti i regjisorit të njohur Z.Drilon Hoxha “EGO”.
Llapi për lexuesit e KosovaPost dha një mesazh e në veçanti për vajzat.
“I them të gjitha vajzave që kanë një ëndërr në lidhje me modelizmin apo cila do qoftë ajo, me vullnet dhe dëshirë të plotë do të arrini të keni sukses, mjafton ti vendosni vetes një qëllim dhe çdo gjë është shumë e lehtë. Mos i mbyllni ëndërrat tuaja në sirtar , jetoni çdo ditë sikur të jetë dita e fundit”, tha ajo .