Rezoluta e propozuar nga PDK-ja rreth grevave në vend, nuk ka marrë votat e deputetëve.
Nga 67 deputetë të pranishëm, për kanë qenë 22 deputetë, kundër 39, ndërsa gjashtë deputetë abstenuan.
Kjo rezolutë u prezantuae gjatë seancës së djeshme nga kryetari i grupit parlamentar të PDK-së, Abelard Tahiri.
“Kërkojmë nga Qeveria që në një afat prej 5 ditëve nga miratimi i kësaj rezolute, të përfshijë përfaqësues të autorizuar të BSPK-së, në grupin punues për hartimin e projektligjit të pagave, para miratimit të tij në Qeveri dhe të marrë në konsideratë propozimet e tyre. Kërkojmë nga Qeveria të propozojë masat për adresimin e kërkesave të tjera të sindikatave”, tha Tahiri në seancën e të enjtes.