Institucioni i Avokatit të Popullit në Kosovë për gati tre muaj kishte mbetur me ushtrues detyre, pasi Hilmi Jasharit i kishte përfunduar mandati më 2 korrik. Sot, deputetët e Kuvendit të Kosovës e kanë zgjedhur Naim Qelajn në krye të këtij institucioni, shkruan Kosova Post.
Qelaj u zgjodh në këtë pozitë me 69 vota për.
Në zgjedhjen e tij, kishte 5 vota kundër ndërsa 3 abstenime.
Në kohën kur Ramush Haradinaj ishte kryeministër, Naim Qelaj ishte emëruar në pozitën e zv/ministrit të drejtësisë nga radhët e AAK-së.
Qelaj ka ushtruar profesionin e avokatit në Prizren, ndërsa është anëtar i AAK-së.
