Emisari i BE-së për dialogun Kosovë-Serbi, Miroslav Lajçak, ka thënë se kurrë s’ka qenë momentum më i favorshëm se tani për liberalizimin e vizave për Kosovën, megjithëse tha se s’mund të japë një datë të caktuar.
Lajçak në një konferencë në Prishtinë tha se këtë çështje e ngre me shtetet anëtare, në dorë të të cilave është marrja e vendimit, sa herë që ka mundësi.
I deleguari i BE-së par dialog me Serbinë Miroslav Lajçak po i qel rishtas letrat e Asociacionit të komunave me shumicë serbe
“Kosova e meriton liberalizimin e vizave. E shfrytëzoj çdo mundësi kur flas me shtetet anëtare për të folur për këtë çështje dhe jam plotësisht i vetëdijshëm si përfaqësues i BE-së që e viziton Kosovën rregullisht se sa është e rëndësishme kjo çështje për imazhin dhe kredibilitetin e BE-së”.
“Kurrë s’ka qenë aq e pritshme siç është tash. Po e përsëris, nuk e kam të drejtën ta them se kur do të vijë ky vendim, por mbështetja kurrë s’ka qenë më e fuqishme, vëmendja për këtë çështja s’ka qenë kurrë më e madhe. Momentumi ekziston. Po shpresoj që ky do të rezultojë me vendimin për dhënien e liberalizimit të vizave për Kosovën”.