Përfaqësuesi Special i BE-së për dialogun Beograd-Prishtinë, Miroslav Lajçak, mbërriti në veri të Mitrovicës, ku u takua me katër kryetarë të komunave serbe në Kosovë dhe përfaqësues të Listës Serbe.
Në takimin me Lajçakun janë të pranishëm edhe kryetari i Listës Serbe dhe ministri për Komunitete dhe Kthim, Goran Rakiq, si dhe kryetarët e komunave të Mitrovicës së Veriut, Milan Radojeviq, Zubin Potokut, Srgjanan Vuloviq, të Leposaviqit, Zoran Todiq dhe atë të Zveçanit, Dragisha Miloviq.
Siç është paralajmëruar, në takim do të diskutohen temat aktuale të sigurisë, politike dhe ato ekonomike dhe pas përfundimit të takimit nuk do të mbaget konferencë për shtyp.
Më pas, Miroslav Lajçak do të vizitojë nënstacionin e Vallaçit dhe pikëkalimin administrativ Bërnjak, përmes të cilit do të udhëtojë për në Beograd.
